Muuuu
Brilljant þegar maður nennir ekki að glósa t.d. ljóðakalla [ via usr/bin/girl ]

12:17// sigga | #

Glæpur og refsing
En hvað með réttarstöðu fórnarlambanna gagnvart brotamanninum, Ágúst? Á konu sem hefur verið nauðgað að létta rosalega því hún veit að afbrotamaðurinn fær væga refsingu (ef einhverja) og hann verður betri maður eftir. Í staðinn þarf hún að óttast að hann fremji sama glæp aftur og aftur og aftur...Jafnvel þó það verði ekki hún næst, verður það einhver önnur. Er ekki tilgangurinn með refsingu (ásamt því að brotamaður gjaldi fyrir glæp sinn) að vernda heiðvirða borgara gegn glæpum og glæpamönnum?

01:55// sigga | #

Maður getur alveg fílað StarWars og Isabel Allende, Gummi. Ég tala af reynslu.

01:32// sigga | #

Kommúnistaávarpið
Vonandi lesa ráðamenn síðuna hans Bigga því þar er lokasönnun þess að kennaraverkfallið er búið að vera alltof lengi. Samkvæmt Bigga er ég orðinn stór. Síðan var Ágúst líka e-ð að tala um ásanngirni um daginn. Þrátt fyrir þetta hlakkar mér til Xmas og mér langar í pakka!

Síðan er ég líka búin að semja heillangan pistil um atriði sem Geirag (ásamt Baldri og Gústa) mætti athuga áður en hann vill einkavæða skólakerfið. Það er aðeins eitt atriði sem ég vil fá á hreint, hvernig á að meta árangur kennslu eins og Baldur og Ágúst vilja gera? Á að fara eftir stöðluðum prófum eða skoðunum nemenda eða hverju? Nú eru mennirnir eins misjafnir og þeir eru margir og mismunandi aðferðir kennara virka alls ekki á suma en mjög vel á aðra. Í kennslumati sem fer fram árlega í VÍ verð ég að viðurkenna að mitt mat fer ekki eingöngu eftir kennslu, ég byggi mat mitt oft á hversu vel eða illa mér er við kennarann. Þannig á ekki að gera hlutina en svona eru þeir nú samt og ég er örugglega ekki sú eina sem er svona ósanngjörn í einkunnagjöf. Á að lækka laun þess kennara sem öllum finnst leiðinlegur en skilar samt sinni kennslu (eða jafnvel reka hann eða minnka kennslu)? Stöðluð próf meta heldur ekki getu einstaklinga og hvað þá kennsluhæfni kennara. Þú getur vaknað í vondu skapi, illa sofin/nn og kannski lent í rifrildi við mútter eða e-ð slíkt áður en þú ferð í prófið og í stað þess að vera í andlegu jafnvægi og svara öllum þeim spurningum rétt sem þú kannt svörin við, misskilurðu kannski helminginn og gleymir því að höfuðborg Danmerkur er Kaupmannahöfn en ekki Juneau. Próf eru ekki mælikvarði á kennslu. Núna ætla ég að lesa pistilinn minn yfir og athuga hvort ég hafi ekki örugglega skilið þá spjátrunga rétt. Úff, ég er komin með heimdalls veikina, alltof langur pistill! (fyrir neðan belti, ég veit)

01:09// sigga | #

28.11.00

Bíóferð
Alveg er ég hrikalega sammála Geirag um Charlie's Angels! Hreintútsagt frábær mynd sem ég var alveg tilbúin til þess að borga mig inn á strax aftur seinasta laugardagskvöld! Nú veit ég hvað ég vil verða þegar ég verð orðin stór!

00:19// sigga | #

24.11.00

Ofurmennið
...eða ofur-öfgahægrimaðurinn eins og ég kalla verkið:


Til þess að koma í veg fyrir misskilning er þetta eingöngu til gamans gert og til þess að kynda Gústa. Mér finnst alveg stórkostleg hvað þeir eru samhverfir. Hárlínan, nefið, augnlínan, munnurinn. Allt smellpassar þetta saman. Verst að Björgvin er ekki með gleraugu.

00:10// sigga | #

23.11.00

öfga-hægrimaðurinn hefur talað
ég styð orð Ragnars Torfa fullkomlega, "útúrsnúningur dagsins" ó já. Það er því ekki spurning að seinna í kvöld kemur myndin inn af der Übermensch eða öfgahægri manninum.

Btw eru það ekki BNA sem eru í forsvari fyrir viðskiptabanni á Írak og Kúbu? Land hinna frjálsu og nýríku? Stjórnvöld þar völdu að setja viðskiptabann á þessar þjóðir og það gremst þeim alveg rosalega að Kúba skuli ekki enn kikna undan ægivaldi BNA. Að fólkið á Kúbu hafi ekki sagt Kastró að taka pokann sinn og taka kapítalista svínunum opnum frelsis örmum (mikið asskoti er ég skáldleg í kvöld)

19:19// sigga | #

Let's just keep Clinton
Brilljant mynd af Clinton [ via jodinand ]

09:27// sigga | #

lögfræði
Alltaf gaman að vakna klukkan 8 til þess að læra lögfræði. Núna sit ég hérna í tölvustofu í VÍ og þykist vera að læra. Er í vinnunni en ætti líka að vera lesa þessa blessuðu bók, Inngangur að lögfræði e. e-r 2 konur. Þetta er einhver sú leiðinlegasta bók sem ég hef augum litið. Almenn Efnafræði var skárri, svei mér þá. En þar sem jólaprófið í lögfræði er í næstu viku er betra að vera búin að opna þessa blessuðu bókartuðru.

08:45// sigga | #

22.11.00

nostalgía
Núná á þessum síðustu og verstu tímum finnst mér gott að skella gömlu vínyl-plötunum hans pabba á fóninn og lesa góða bók. Mér finnst nefnilega fátt skemmtilegra en að hlusta á plötur. Geisladiskarnir hafa einfaldlega ekki þennan sjarma. Ég smitaðist snemma af þessum áhuga hans pabba míns. Á hverjum sunnudegi í denn, lagðist pabbi upp í sófa með sunnudagsmoggann og hlustaði á e-a íslenska safnplötu með lögum eins og Konan sem kyndir ofninn minn, Á sjó, Elsku Gunna o.fl. o.fl. Síðan var kallað á mig til þess að snúa plötunni við :) Smám saman fór ég að skoða plötusafn heimilisins og uppgötvaði Bítlana, Elvis, Bítlavinafélagið og tonn af sixties tónlist á e-i safnplöturöð (það eru svona Andy Warhol myndir framan á þeim ef e-r kannast við þær). Síðan var keyptur geislaspilari á heimilið og smám saman hætti þessi sunnudagsvenja hans pabba. Hann reyndar kaupir óhemjumikið af geisladiskum en hlustar sjaldan, ef eitthvað, á þá.
Lestur góðra bóka er önnur fíkn hjá mér. Núna er það Daughter of fortune e. Isabel Allende sem á hug minn allan. Hún er meðal uppáhaldsrithöfunda minna. Klikkar mjög sjaldan. Eins og reyndar Maeve Binchy og Agatha Christie. Eins og þessi dæmi sanna er ég eðal kellíng í eðli mínu og stolt af því. En svona í alvörunni, þá mæli ég með Isabel fyrir þá/þær sem fíla svona sögur með ættardrama og rómans hér og þar. Hús andanna er í sérstöku uppáhaldi sem og reyndar Kryddlegin hjörtu e. Lauru Esquivel. Endilega verðið ykkur úti um þessar bækur, þær klikka aldrei.

13:14// sigga | #

21.11.00

jólahvað?
Ég held kannski að ég fari að setja síðuna í jólabúning...

12:07// sigga | #

Friends-manía
Undanfarna daga hef ég verið að sökkva mér niður í DVD myndirnar frá safninu. Þar á meðal eru myndir eins og Shakespeare in Love, Titanic ásamt nokkrum Friends þáttum. Þessir Friends þættir eru einmitt ástæðan fyrir því að ég hef farið seint að sofa og gert lítið sem ekki neitt undanfarna daga. Reyndar er það líka Hagkaup út á Nesi að kenna því ég hef verið þar í vinnu nokkrar nætur í síðustu viku og þessari. en allavega..Mér finnst alveg kostulegt hvað þessir Friends þættir endast vel. Ég get horft á þetta endalaust. Var t.d. að horfa á seríu nr. 2 í nótt og hún er brilljant. Ég held ég fari og finni gömlu spólurnar með seríum 3 og 4 sem ég tók upp á sínum tíma...segiði svo að verkfallið sé ekki af hinu góða?

12:02// sigga | #

17.11.00

Byrjaðu í dag...
að elska Egil Helgason. Eini almennilegi sjónvarpsþátturinn sem tilnefndur er til Edduverðlaunanna (ég veit reyndar ekki hver þriðji þátturinn er en mér er alveg sama)

22:08// sigga | #

blogger-bögg í gangi
Undanfarið hef ég ekkert getað publishað þannig að ég hef verið ofsalega þögul. En núna virðist þetta vera komið í lag.

00:48// sigga | #

16.11.00

pirringur
Mér finnst ofsalega leiðinlegt þegar fólk heilsar mér eingöngu til þess að fá mig til að hjálpa sér eða gera sér greiða. "Hæ Sigga!" [ég kem] "Hvað segirðu? Ertu nokkuð með lykla að *?" [ég svara neitandi og býst við áframhaldandi samtali] [ég held áfram að bíða og fer svo]. Þetta fólk heilsar mér ekki svona á daily basis. Hvað er það við mig sem hreinlega öskrar á aðra: "hey, hún hefur ekkert að gera. Fáðu hana til þess að gera hluti sem þú nennir ekki að gera en þarft samt!" Þannig að núna líður mér eins og gólftusku.

16:48// sigga | #

9.11.00

the daily babe-test
Mér finnst ofsalega fyndið að ég skuli fá hærri prósentu í daily babe-test heldur en sumir karlmennirnir í kringum mig. Ég er með svona average 80% en þeir ca. 50%

14:32// sigga | #

til Tomma og Gústa
Í sambandi við kjarnorkuna sem ég nefndi í nótt, þá var ég ekki að tala um kjarnavopn heldur kjarnorkuver. Asnaleg þýðing af minni hálfu á: „Clarify rules to allow for more nuclear power generation“ en þetta fann ég á speakout.com. Svo í sambandi við það að maðurinn skuli ekki vera hálfviti. Tja, hvað heldurðu að pabbi gamli hafi látið mikið fé af hendi rakna (e. donate) til Yale þar sem labbakúturinn útskrifaðist úr sögu ' 68 ? Alveg er ég viss um að það er til Bush-álman eða Bush-salurinn. Það er ótrúlegt hvað peningar, völd og þekkt fjölskylda geta áorkað. Bara að horfa á manninn í sjónvarpi og hlusta segir manni að þarna fer ekkert alltof djúpur maður sem að ég, ef ég væri Kani þ.e.a.s, myndi ekki vilja hafa við stjórnvölinn í BNA.

14:25// sigga | #

of langur pistill um kosningar
Í sambandi við þetta Bush vs Gore dæmi þá held ég að Bandaríkjamenn geti ekki annað en tapað á að hafa kannski kosið Bush sem forseta. Ef þau fylki sem kusu Bush eru skoðuð má sjá að það eru þessi svokölluðu "hillbilly" fylki. Gore aftur á móti vann þau fylki þar sem þéttbýli er meira og ef ég má, þar sem fólk er menntaðra og upplýstara um umheiminn (vissulega ákveðin þversögn þar sem ég er að tala um Bandaríkjamenn). Helstu stefnumál Bush eru: er á móti fóstureyðingum, styður kjarnorkuvæðingu, á móti samkynhneigðum, vill taka upp bænir í skólum, er mjög ákafur í að framfylgja dauðarefsingum, vill halda áfram að skipta sér af ástandinu í Mið-austurlöndum (þ.e. halda áfram að styðja Ísrael) o.s.frv. o.s.frv. Það sem mér finnst fyndnast er að hann styður almenna byssueign og dauðarefsingu en vill samt að börnum sé kennt að vera á móti ofbeldi. "Pabbi þinn má eiga 30 afsagaðar haglabyssur og skjóta hvern þann sem stígur fæti á lóðina hjá honum en þú mátt það ekki. Ég má taka hvern þann af lífi sem hefur brotið af sér en þú mátt ekki lemja bróður þinn. Jæja krakkar, hvað höfum við nú lært í dag?"

[ nb. þetta eru aðeins mínar ályktanir af stefnumálum Bush og það sem mér finnst um þann mann ]

00:43// sigga | #

8.11.00

veikindi
Í dag er ég veik. Ekki gaman.
En í sambandi við forsetakosningarnar í BNA þá segi ég eins og Ragnar Torfi að það kemur bara Bandaríkjamönnum verst ef Bush verður forseti. Ég spái fleiri skandölum heldur en hjá Clinton kallinum. (og ef Bush er þegar orðinn forseti þegar ég skrifa þetta þá verður bara að fyrirgefa mér, ég er búin að sofa í allan dag)

17:24// sigga | #

beib beibanna
Í von um að Egill fyrirgefi okkur bloggurunum fyrir frekju og yfirganga þá er hann beib vikunnar að þessu sinni hjá mér. Að sjálfsögðu er hann algjör sniglingur og það á að meta! Egill verður héðan í frá svona heiðurs-beib hjá mér.

17:15// sigga | #

7.11.00

rauðsokkan
Núna er ég alveg að springa því það er svo margt í pistlum dagsins og gærdagsins sem mig langar til þess að kommenta á. En núna í bili er bara ein saga af honum Viðari í 6-Y, sem er kostulegur náungi eins og flestir í Verzló vita. Hann var að skila ritgerð til íslenskukennarans Ólafs Víðis Björnssonar. Í örvæntingu sinni hleypur Viðar út úr stofunni á eftir Ólafi og spyr:„Bíddu, heitirðu líka Björnsson? Ég skrifaði nebblega bara Ólafur Víðir á ritgerðina....“ Þetta er einmitt alveg týpískt komment. Ólafur Víðir Björnsson svaraði: „Ég heiti Ólafur Víðir og er Björnsson!“ Viðar, þú ert frábær!

Seinna í kvöld koma sennilega rauðsokkusvör við sumum pistlum.

15:27// sigga | #

2.11.00

nýr íslenskur bloggari? (sem reyndar bloggar á ensku...)

16:04// sigga | #

Þjóðverjar eru mjög fyndinn þjóðflokkur
Eins og Ragnar Torfi bendir á var Geirharður Schröder að gera sig og þýsku þjóðina að athlægi í Jerúsalem á dögunum. Síðan er þeir þekktir fyrir að vera leiðinlegasta þjóð Evrópu og þessi endalausu fashion statement hjá þeim (mottur og sítt að aftan) eru óborganleg. Ég held að það segi allt um landið að David Hasselhof er vinsæll þar :)


Nei heyrðu mig nú Óli Njáll. Eru spurningar dagsins eitthvað að léttast hjá þér? Svarið við spurningu dagsins að þessu sinni er Stefán Hilmarsson.

15:32// sigga | #

1.11.00

Sýrland
Ætti ég að sækja um stöðu ferðamálafulltrúa í Sýrlandi? Ég hef núna í rúman sólarhring verið að stúdera land og þjóð. Hef einna helst stuðst við bækurnar Lönd og lýðir, gefnar út 1955, og svo cia worldfactbook. Ég afrekaði það að fara að sofa klukkan hálf-sex í morgun. Stóð sjálfa mig að því þá að vona að veðrið yrði ekki svona slæmt í fyrramálið en um leið áttaði ég mig á því að í fyrramálið var núna. En núna er þetta allt búið og Öryggisráð SÞ er næst á dagskrá. Ég spyr enn og aftur, lumar einhver á skemmtilegum staðreyndum um öryggisráðið?

16:58// sigga | #

svar við spurningu dagsins: Jon Anderson

04:19// sigga | #

Jibbí, nú á ég pening! Ef einhver veit e-r skemmtilegar staðreyndir um Sýrland (...og er vakandi núna) þá má hann endilega senda mér póst!

01:54// sigga | #