jólaskrall
Síðastliðið þriðjudagskvöld var jólaball hjá Verzlingum. Það var haldið að Hlíðarenda, næstum því í Fljótshlíð, og var hrikalegt! Orð fá því ekki lýst hversu leiðinlegt það ball var. Við vinirnir blótuðum því í sand og ösku að það væri bara þriðjudagur þannig að ekki var hægt að fara í bæinn og láta reyna á það hvort maður kæmist inn e-s staðar. Var kannski eitthvað opið?
Á þriðjudaginn fór ég líka í jólaklippinguna. Lokkarnir látnir fjúka og hresst "aðeins" upp á ljósa litinn. Jólaskapið er alveg að fara koma, ég giska á föstudag.

19:54// sigga | #

16.12.00

Nesið
Í gærkveldi fór ég að vinna í Hagkaupum úti á Nesi, sem væri nú ekki frásögufærandi nema hvað...að ég hef skipt um skoðun varðandi gettó á landinu. Það er hvorki Grafarvogurinn né Breiðholtið (nú verða sumir sárir) heldur er það Seltjarnarnesið! OK, klukkan rúmlega 10 verð ég svöng og langar í smá kvöldmat. Ég hélt í einfeldni minni að sjoppan á Eiðistorgi væri eins og venjulegar sjoppur, opnar til hálf-tólf, en viti menn - hún lokar klukkan 10! Ókei, ég ákvað þá eftir hæfilegan hneykslunartíma að lulla mér út í Tröllavídeó og kaupa mér samloku þar. Ónei, think again, þar eru bara vídeóspólur, nóakropp og gos. Ekkert annnað! Þannig að ég var að fara út í 10-11 sem er dulítið lengra í burtu. Á leiðinni varð ég fyrir árás brjálaðra ungmenna, þ.e. lenti í snjóboltahríð. Vansvefta, hungraður, pirraður kvenmaður (þó hann sé rétt tæplega 160 á hæð) getur vaxið ásmegin ef reittur er til reiði! Ég var búin að ákveða að ráðast á þann sem kastaði næsta snjóbolta. Þeir urðu sem betur fer ekki fleiri. Nú labba ég inn í 10-11 og fer með samlokurnar á kassann. Lendi ég þá ekki á þroskaheftum afgreiðslumanni sem ég skildi ekki hvað var að segja. (nb. þetta eru ekki fordómar gagnvart þroskaheftum, bara pirringsleg raunasaga mín) Ég labbaði til baka í snjókomunni (var bara í peysu) og hugsaði með mér að aldrei, aldrei skuli ég flytja út á Seltjarnarnes. Enda er það lítið og lágt! (og alltaf rok)

15:12// sigga | #

15.12.00

ruv
Undanfarin ár hefur mér fundist rúv vera algjörlega steingelt í dagskrárgerð og þáttavali. Þetta er sem betur fer að batna og er eitt dæmi þess þátturinn Sex in the city. Þetta er fínn delluþáttur um 4 konur sem pæla ofsalega mikið í því hvort þær fái það nógu oft, hvort þær séu of gamlar, hvort þær verði einhleypar áfram o.s.frv. o.s.frv. Raunveruleikinn ekki beint í fyrirrúmi. En það sem mér finnst fyndnast er þýðingin á nafni þáttarinns „Beðmál í borginni“. Ef ég hefði verið að þýða hefði nafnið hljómað eitthvað á þessa leið: „Kynlíf í kaupstaðnum“ Hvað finnst þér?

18:41// sigga | #

13.12.00

Jólavertíðin
Í von um að jólin komi á réttum tíma hef ég undanfarið staðið í miklu jólastússi. Ég er búin að kaupa meirihlutann af jólagjöfunum og búin að skrifa á öll kortin, öll 18 stykkin! Síðan er það vesenið að kaupa sér jólaföt og fara í klippingu. Þetta er óheyrilegt vesen og þar að auki dýrt. Af hverju finnst manni þetta samt svona gaman? Ég viðurkenni samt að mér fannst jólin skemmtilegri þegar ég var lítil. Þá þurfti maður ekki að gera neitt, sat bara og beið. Horfði svo á barnaefnið á aðfangadag, fór í bað og í jólafötin og síðan komu bara pakkarnir og góði maturinn. Ég er með svona fíkla-einkenni. Ég vonast alltaf eftir sömu tilfinningunni og ég fékk á fyrstu jólunum (sem ég man eftir réttara sagt). En hún kemur aldrei og þá koma vonbrigði. Getur maður farið í jólameðferð?

00:35// sigga | #

8.12.00

Ágúst, af hverju tekur þú ekki bara einn "hellisbúa" ef þetta fer allt saman svona mikið í taugarnar á þér. Því þangað til við finnum olíu á Þingvöllum verður ekki hagnaður af þjóðarskútunni. Húmbúkk.

13:18// sigga | #

7.12.00

Ef ég væri ríkur tralalala
Viltu vinna milljón?

12:47// sigga | #

skjávarpar
Akkúrat í þessu augnabliki er Kiddi húsvörður í Verzló og Þórður Hauks tölvugúrú að leiðbeina Hús-Hirti og ráðamönnum í HÍR um hvernig á að halda skjávörpunum sínum fjarri þjófum. (Eða þjófunum frá skjávörpunum) Merkilegt hvað Hús-Hjörtur er alltaf jafn mikill durtur.

10:29// sigga | #

4.12.00

Playboy
Þetta tvennt er svo þokkalega á jólagjafalistanum mínum í ár!! Hvað ætli vitleysingarnir í Bríet myndu segja við því? (og hverjum stendur ekki á sama?)

17:47// sigga | #

Good ol' US of A
Hérna er lausnin á flestum vandamálum Bandaríkjanna.

17:32// sigga | #

1.12.00

Q
af hverju ætli það sé www. í stað t.d. qqq.?

09:23// sigga | #

til Greinars
Varðandi þetta nauðgunarmál sem þú talar um þá langar mig aðeins að nefna eitt. Þú segir að venjulega vakni fólk, þ.e.a.s. þegar það er í eðlilegu ástandi, þegar verið er að reyna að nauðga því. Samt eru til tilfelli, svokölluð svefnmál, þar sem fórnarlambið (venulega kona) áttar sig ekki á því hver er að hafa þessa tilburði í frammi og heldur jafnvel að kærastinn/eiginmaðurinn sé að þessu, tekur jafnvel þátt, svo vaknar hún og sér að það er ókunnugur maður í stað þess sem hún hélt. Menn eru misjafnlega ruglaðir í svefnrofunum og því er að sjálfsögðu erfitt að dæma í svona málum. Mig langaði bara að benda á þetta. Síðan viltu meina það að hún hefði átt að vera hlutlaus varðandi staðreyndir málsins en þar sem hún hefur væntanlega verið fengin í þáttinn (nb. ég sá þennan þátt ekki) til þess að tala frá sjónarhorni fórnarlambs og þess vegna talað sem slíkt. Hún var sjálf fórnarlamb kynferðislegrar misnotkunar og síðan verður dóttir hennar fyrir þessu (kannski fór dóttir hennar ekki varlega, ég er ekki að segja það, en svona lagað sér samt enginn fyrir sb. þegar stúlkunni var nauðgað fyrir austan e-s staðar af dreng sem hún áleit vin sinn og treysti honum) og ég skil fullkomlega að hún sé sár og bitur út í dómskerfið. Þær mæðgur fóru halloka í þessu máli og eru ekki sáttar við sinn hlut, en það er samt ótrúlegt hvað svona mál eru erfið í meðferð vegna þess að oft er þetta orð gegn orði.

08:29// sigga | #