brotinn putti
Ástæðan fyrir þögninni undanfarna dagaa er sú að ég er puttabrotin og á þvío erdfitt með að skrifa.

16:16// sigga | #

25.2.01

feministar -ullabjakk!
Nú hugsa eflaust margir með sér: "hva? er hún ekki rauðsokka, hvað er hún eiginlega að pæla?" Nei, ég myndi ekki einu sinni flokka mig sem femínista, hvað þá rauðsokku. Mér finnst þessar rauðkur í Bríeti álíka leiðinlegar og stuttbuxnadrengirnir í "Dallinum". Ég er meiri mannréttindasinni í mér heldur en kvenréttindasinni. Hugmyndir um kynjaskipta leikskóla eiga t.d. ekki upp á pallborðið hjá mér en þar með er ég ekki að segja að ég sé einhver gólftuska sko! Fólk á einfaldlega að hafa sömu réttindin og svona bara til þess að nefna það, sömu laun fyrir sömu vinnu og karlar eiga að fá jafnmikið fæðingarorlof og konur. En tilgangurinn með þessum pistli er aðallega að koma inn þessum link hérna.

23:43// sigga | #

24.2.01

undarlegheit
Í matnum í gær sat ég við hliðina á ónefndum manni. Samtalið við borðið barst smám saman að bolludeginum & sprengideginum, en allavega hann var að velta því fyrir sér af hverju við værum eiginlega að þessu. Troða í okkur bollur og saltkjöt&baunir? Tja, ég fann mig knúna til þess að leiða hann í allan sannleikann um Lönguföstu og þá fékk ég svarið:"já, týpískt að svona gettubetur manneskja viti svona lagað" Já, það er merkilegt þegar common knowledge er allt í einu orðið "svona gettubetur dæmi sko"

15:46// sigga | #

Varðskipið Þór
Í gærkvöldi fór ég í mat á varðskipinu Þór ásamt miðstjórn NFVÍ. Tilfinningin er mjög spes sem maður fær við að labba í sínu fínasta pússi upp landganginn í frosti og vera síðan að villast um e-ð skip. En svo loksins þegar maður finnur salinn er þetta mjög fínt. Þeir hefðu mátt vera rausnarlegri í matnum en hann var nú samt góður.

Síðan var ég að frétta að hann Egill vinur minn væri að fara frumflytja eigið verk í Víðistaðakirkju þann 3.mars næstkomandi kl 17. Ekki nóg með að vera frábær náungi heldur er hann líka snilldar tónlistarmaður og ég hvet alla sem vettlingi geta valdið að fjölmenna upp í Víðistaðakirkju!

11:19// sigga | #

22.2.01

Being "geirag" for a day
Þó svo gaman sé að endurlifa áttunda áratuginn svona annað veifið þá finnst mér þetta svolítið of Mad Max-legt:

Bara af því Geir er ekki búinn að koma með e-a hálf eða alnakta konu í dag:

19:22// sigga | #

21.2.01

þýska
Eða bara eitthvað svoleiðis. Þýskukennarinn minn, hún Nanna, er merkilegur kvenkostur. Hún beitir þeirri sívinsælu aðferð, að ef nemandinn skilur ekki eitthvað, þá talar kennarinn bara hærra. Ef skilningsleysið batnar ekki, hækkar rómurinn. Ætli þetta sé kennt í kennslufræðinni í KHÍ?

Núna er ég svöng. Mig langar alveg óendanlega mikið í nautasteik með rjómakartöflum, grænmeti, piparsósu og hvítlauksbrauði. Er ekki einhver góðhjartaður einstaklingur sem vill splæsa á mig, nú eða jafnvel elda?

17:12// sigga | #

20.2.01

Heyrru kallinn minn!!
Sko, ef þú ert með eitthvað múður þá bara...þá bara...þá bara...geturðu klúðrað e-i síðu saman sjálfur! og Hafðu það!!!!! Og geir...I'll deal with you later!

10:46// sigga | #

15.2.01

lotukerfið
Ég er núna á tölvuvakt og undarlegur drengur að nafni Arnar var að ganga inn. Ekki frásögufærandi nema hvað að hann var í íþróttatreyju sem merkt var á eftirfarandi hátt:

Natríum
11

Það kemur kannski ekki neinum á óvart að þessi drengur er á stærðfræðibraut. (Hann er samt fínn strákur þrátt fyrir það).

16:47// sigga | #

á einhver nokkra klst á lausu í sínum sólarhring?
Mig vantar sárlega ca. 5 tíma uppá minn sólarhring. Í dag þarf ég nefnilega að læra undir 2 próf og vinna til kl 22. Þetta myndi reddast ef það væri bara eitt próf á morgun en takk kærlega Hilda, fyrir að vera mjög svo tillitslaus og ósveigjanleg. Í kvöld var ég nefnilega búin að plana smá kósíkvöld fyrir framan imbann með kærastanum af því ég var leiðinleg í gær og var að læra undir próf. Jæja, comó están?

varðandi ummæli Ágústar um innihald pistlanna hérna á naggnum þá var ég að pæla í einu um daginn. Þó svo að þetta sé mjög sniðugt að safna öllum bloggerum á einn stað þá skapar þetta svolitla pressu á mann til þess að skrifa bara til þess að skrifa. Í stað þess að skrifa þegar andinn blæs manni í brjóst þá er það tilhneigingin hjá mér að ég verði að skrifa til þess að detta ekki út af naggnum. Það er kannski þess vegna sem maður skrifar bara stutta pistla um spagettíið hennar mömmum eða leiðinlega kennara? Por que?

12:59// sigga | #

12.2.01

algjör sniggld
Nemendamótið nr.69 tókst með endemum vel! Sýningin var brilljant (eins og venjulega) og þá sérstaklega þessir tveir sem ég nefndi 7.feb! Ég vil hvetja alla til þess að kíkja á sýninguna og einnig að fjárfesta í geisladisknum!
Mexíkanska hlaðborðið stóð líka alveg fyrir sínu. Það eina sem vantaði var tequila staup á eftir ;)

Mér finnst nú hálf-leiðinlegt að ég skuli ekki fara aftur á NEMÓ. Allt búið. Maður tekur kannski upp á því svona til að halda í hefðina að gera eitthvað sniðugt 1.fimmtudag í febrúar hér eftir?

18:27// sigga | #

7.2.01

Fínt ef manni leiðist [ via easily amused ]

18:34// sigga | #

NEMÓ 2001
Bara smá svona tilhlökkunarblogg. Á morgun er nefnilega Nemendamót Verzlunarskóla Íslands. Byrjað verður á að fara á sýninguna, Wake me up before you go-go um hálf-tíu og þaðan verður farið í morgun/hádegispartý hjá henni Ásu. Síðan er smá bjútí-pása fyrir matinn. Klukkan hálf-sjö er mæting á Grand Hótel í mexíkanskt hlaðborð og fordrykk. Þaðan verður svo haldið í Kópavoginn í partý hjá Önnu Lilju þar sem öflugt karaókí tæki verður VEL nýtt. Uppúr eitt er síðan stefnan tekin á Breiðvang á ball!

Þetta er dagskráin í grófum dráttum. Ég veit svosum ekki hvort ballið verður eitthvað spes, en sýninguna langar mig til þess að sjá, sérstaklega Gulla og Valda en þeir eru/voru með mér í bekk. Annars ætla ég bara að fara skella mér heim að setja á mig gervineglur og prufa make-up kittið sem ég neyddist til þess að endurnýja eftir ofnæmisviðbrögðin sem ég sagði ykkur frá.

18:10// sigga | #