smásmuguháttur
Í gær fékk ég niðurstöðurnar úr 2 prófum sem ég tók um síðustu helgi. Mín var ekki sátt við sögueinkunina. Þegar farið er yfir próf eins nemenda með öðru auganum en með stækkunargleri hjá öðrum finnst mér ekki sanngjarnt. Þegar sumir fá fullt fyrir staðreyndavitleysur (eins og að segja að maðurinn hafi fundið upp hlut sem hann gerði svo sannarlega ekki) en ég fæ 2/5 fyrir að segja ekki t.d. að maðurinn sé dökkhærður (eða eitthvað álíka mikilvægt) er eitthvað dularfullt á seyði. Ef svona gerist á stúdentsprófi fá hausar að fjúka!

Annars er merkilegt með þessi "jóla" próf sem áttu að hlífa okkur við skyndiprófatörn. Daginn eftir að þeim lauk voru 3 skyndipróf sett á okkur og 3 mjög stór. Það eiga sennilega fleiri eftir að bætast við. Eins gott að jólaprófin voru ma'r, hvernig væri þetta annars?

20:51// sigga | #

18.1.01

strik.is
Ég tók áðan próf á söguvef strik.is vegna þess að ég er að fara í jólapróf í sögu á laugardag. Engin helgi á þessum bæ. En það skondna við niðurstöðuna var eftirfarandi:

Þú svaraðir 11 rétt af 20
Einkunn: 5.5
Umsögn: Rétt staðið, lestu meyra


ég held að umsjónarmenn síðunnar ættu kannski að lesa ogguponsulítið meira.

15:56// sigga | #

15.1.01

blögger
Bloggerinn ástkæri og ylhýri hefur oft verið í hærri metum hjá mér. Undanfarnar vikur hefur e-ð vesen verið á honum þannig að ég gat ekki einu sinni tilkynnt heiminum um tvítugsafmælið mitt, já krakkar mínir, sigga litla er loksins orðin fullorðin.
Föstudagurinn síðasti var sá besti í geimi og ég held að Óli Njáll, Ágúst og fleiri hafi tjáð sig vel og rækilega um það. Enough said.
Seinna það kvöld fór ég á djammið með stelpunum og eins og gengur og gerist sparslaði ég aðeins upp í andlitið og skvetti smá vellyktandi á háls og úlllliði (kann ekki að stafa þetta). Daginn eftir vakna ég með stærri augu en úlfurinn (as in Rauðhetta). Ég setti e-ð krem á augun á mér og seinna um daginn voru þau bara rauð en í réttri stærð. Síðan í morgun þegar ég ætla að skella mér í skólann, lít ég sakleysislega í spegilinn á meðan ég burstaði í mér tennurnar og oh my god! Augun á mér höfðu stökkbreyst! Og ekki nóg með að þau séu risavaxin (ég er sko með 3 augnlok núna!) heldur logsvíður mig líka. Þetta hefur maður uppúr því að reyna að vera gella. Þá vitið þið það, snyrtivörur eru verk djöfulsins. Það fyndna er samt að maður hefði haldið að ég sé hætt að nota þetta drasl, ónei...ónei

14:12// sigga | #

4.1.01

loksins, loksins
...er afmælið mitt komið. Ég varð tvítug fyrir 4 dögum. Húrra fyrri mér og nýja árinu.

16:07// sigga | #